Gjatë një kontrolli rutinor në aeroportin e Prishtinës, doganierët kanë zbuluar dhe sekuestruar një sasi të madhe cigare të kontrabanduara.

Pas hapjes së plotë të valixhes në prani të zyrtareve doganorë, u konstatua se pasagjeri kishte fshehur 9 boksa cigare me markë “Marlboro”.

Por, pas një kontrolli më të imtë të gjithë bagazhit të pasagjerit, u zbulua se numri i përgjithshëm i boksave cigare pa banderola arrinte në 81, duke përfshirë të dyja llojet, të kuqe dhe të bardha.

“Prishtinë, Aeroporti ANP. Me datë 29.12.2024 rreth orës 11:05 gjate kontrollit se një valixheje te një pasagjeri ne dalje është vërejtur se i njëjti ka një sasi të cigareve në valixhen e tij. Pas hapjes se valixhes në prezencën e zyrtareve doganor është vërejtur se aty ka 9 boksa cigare Marlboro. Pas kontrollit te mëtejm dhe numërimit nga ana a zyrtareve doganor ka rezultuar se te njëjtit i janë gjet gjithsejtë 81 boksa cigare Marlboro të kuqe dhe të bardha pa banderola në të gjitha valixhet që kishte pasagjeri. E gjithë kjo sasi e cigareve është sekuestruar nga ana Doganës. Me rast është marr njësiti i hetimeve të Doganës.”, thuhet në raportin e policisë./Arbresh.info/